Sés lidera o cartel do Festival das Minas, na Pontenova

A décimo segunda edición do evento celebrarase os días 14 e 15 de decembro

Sés actuará no Festival das Minas. RTVE

O concerto da cantautora bergantiñana Sés, o sábado 15 de decembro, será o principal atractivo da décimo segunda edición do Festival das Minas da Pontenova.

Así o anunciou a entidade organizadora do festival, a Asociación Cultural e Deportiva As Minas, que completou o cartel dun evento que será gratuíto.

O 14, PETISCO MUSICAL

O festival comezará o venres 14 cun petisco musical nun local de hostalería da vila, o Rony Bar. A partir da medianoite, Viti Gutier interpretará versións de clásicos da música pop dos últimos trinta anos.

SÁBADO

O sábado, a xornada festiva comezará ás 21.30 horas, cunha churrascada. O prezo da cea será de 15 euros.

Ás 23.30 comezarán as actuacións musicais. Sés lidera un cartel que inclúe tamén á Chocolateira coa Escola Rexional de Baile da Pontenova e a Wicked Game, grupo de versións de rock dos anos 80 e 90.

ENTIDADES COLABORADORAS

O Concello da Pontenova, a Deputación de Lugo e máis Superti colaboran cos organizadores do evento.

RESPOSTAR

Please enter your comment!
Please enter your name here